په دغه سمینار کې ګډونوالو ته په کاري چاپېریال کې د اخلاقي اصولو او سازماني ارزښتونو د رعایت، مسوولیت مننې، متقابل درناوي، همکارۍ او د سالمو کاري اړیکو د رامنځته کولو په اړه معلومات ورکړل شول.
همدارنګه، د سازماني پرېکړو په نیولو کې د اخلاقو رول، د مسلکي چلند اغېز، د اختلافونو مدیریت، اداري نظم، رښتینولي، امانت داري او ډله ییز کار په اړه بحث وشو.
په دغه سمینار کې خپلو دندو ته پر ژمنتیا او د مثبت سازماني چلند پر ارزښت ټینګار وشو.
رڼا پوهنتون هڅه کوي، چې د علمي او ښوونیزو پروګرامونو له لارې د استادانو او کارکوونکو مسلکي ظرفیت لوړ او د اخلاقي ارزښتونو پر بنسټ د یوه سالم، منظم او مسوولانه کاري چاپېریال د رامنځته کولو زمینه برابره کړي.